General Manager na Fundación Vasca para a Ciencia IKERBASQUE.
Comezou a súa andaina profesional en 1992 como profesor no Departamento de Expresión Gráfica e Proxectos de Enxeñería na UPV/EHU. En 1997 saltou á empresa privada onde ao longo de máis dunha década ocupou distintos cargos de dirección e xerencia en empresas de enxeñería, fundición e mecanizado do sector de automoción, ata que en 2009 decidiu, en calidade de general manager e xunto co Dr. Carreiras como director científico, crear e lanzar o Centro de Investigación Básica e de Excelencia en Neurociencia Cognitiva (BCBL). Tras 14 anos en BCBL, en 2023 asume a responsabilidade de liderar Ikerbasque.
Foi membro do panel de avaliación de distintos centros de investigación da rede catalá CERCA e actualmente é tamén asesor e avaliador externo da Comisión Europea para a iniciativa HRS4R de xestión de recursos humanos en investigación.
Doutor Enxeñeiro Industrial pola Universidade do País Vasco (UPV/EHU), Máster en Dirección de Empresas MBA pola Universidade de Deusto e Especialista en Xestión en Valorización e Transferencia de Tecnoloxía por ESADE.
