Profesor de Investigación no Centro de Investigacións Biolóxicas (Madrid) do CSIC e líder do grupo de Biotecnoloxía Ambiental. Ademais, é Director en funcións do Instituto de Bioloxía Integrativa de Sistemas (I2Sysbio) instituto mixto do CSIC e da Universidade de Valencia (Parque Científico, Paterna).
Traballou como profesor na UCM e como Xefe de Grupo de Investigación na empresa Antibióticos SA.
A súa experiencia en investigación céntrase en diversos aspectos dos campos da bioquímica, a xenómica e a biotecnoloxía con máis de 300 publicacións entre artigos e patentes cun índice h de 53.
Desempeñou varios cargos en política científica como Xestor de Programas Nacionais e Europeos na CICYT e outros ministerios, como Xestor do programa EXPLORA do MINECO e da AEI, como Subdirector Xeral de Investigación no CSIC, como Asesor no Ministerio de Ciencia e Innovación e Colaborador da Secretaria de Estado de I+D+I, e Representante Nacional do Programa ERC do Programa Europeo H2020.
Foi fundador e Presidente da Sociedade Española de Biotecnoloxía. Actualmente é Membro do Consello Asesor de Ciencia, Tecnoloxía e Innovación, e Xestor do Programa CYTED (Área 3. Desenvolvemento Industrial). Fundou tres empresas dedicadas á análise de xenomas (Lifesequencing S.L.), ao diagnóstico xenético (Secugen S.L.) e á bioprospección de microorganismos (Darwin Bioprospecting Excellence S.L.).
Doutor en Química e Licenciado en Química e Farmacia pola Universidade Complutense de Madrid (UCM).