Xornada de presentación – II Convocatoria de proxectos de investigación en saúde da Fundación Bancaria ”la Caixa”

A xornada de presentación da II Convocatoria de Proxectos de Investigación en Saúde da Fundación Bancaria ”la Caixa”, enmárcase dentro do Programa Formativo en Xestión Estratéxica e Operativa de Centros e Unidades de Investigación de Excelencia, impulsado pola Consellería de Educación, Universidade e Formación Profesional en colaboración con FEUGA.

Este ano outorgaranse ata 500.000€ para proxectos individuais e ata 1.000.000€ para consorcios de investigación, cifras que prevén incrementar a contía da primeira Convocatoria, que se cerrou cun presuposto de 12 millóns de euros para 20 proxectos.

A segunda edición da Convocatoria de Investigación en Saúde, activa ata o 15 de xaneiro de 2019, seleccionará proxectos en cinco áreas de investigación:
• Oncoloxía
• Neurociencias
• Enfermedades infecciosas
• Enfermedades cardiovasculares e metabólicas
• Tecnoloxías facilitadoras (centradas nas catro áreas anteriores)

A sesión de presentación da Convocatoria terá lugar o próximo día 23 de novembro de 2018 ás 13:00h no Auditorio da Sede FEUGA, rúa Lope Gómez de Marzoa s/n, Campus Vida, Santiago de Compostela (A Coruña), e contará coa seguinte estrutura:
13:00 – 13:30 Rexistro de asistentes
13:30 – 13:40 Benvida institucional
13:40 – 14:40 Presentación da II Convocatoria de Proxectos de Investigación en Saúde a cargo do director do Departamento de Ciencia da Fundación Bancaria “La Caixa”, Ignasi López Verdeguer
14:40 – 16:00 Almorzo

Pode obter máis información no seguinte enlace: https://obrasociallacaixa.org/es/investigacion-y-becas/convocatorias-de-investigacion/convocatoria-de-investigacion-en-salud/descripcion-del-programa

FORMULARIO DE INSCRICIÓN